疑幻疑真大人國

在童話故事《格列佛遊記》中，作者描述主角在兩次奇妙的航海旅程中，先後到了「大人國」和「小人國」，體會了做小豆丁和巨人的滋味。

至於在現實世界中，究竟有沒有「大人國」和「小人國」？一直都是個謎。不過我小棠在上次香港公園春遊賞花之後，竟然唔覺意在金鐘太古廣場發現了一個「大人國」，那兒巨人所用的「筷子」和「鐵叉」，足足有三個我之高，認真巴閉！

真假Fatice大比拚

樹蓁姨姨真乃神人，老早便洞悉天機，知道有「Fatice」的存在，不過，她只知其一，不知其二。話說兩日過後，小棠繼續追問魔鏡上次的答案，而得到的回覆竟是......

小棠：「魔鏡，魔鏡，我係咪二月份嘅白雪公主呀？」
魔鏡：「同上次一樣，你在鏡中看到邊個出現，咁嗰個就係二月份嘅白雪公主嘞！」
小棠：「我見唔到自己喎！」
魔鏡：「咁你見到邊個吖？」
小棠：「我見到身在英倫嘅Fontaine姨姨喎！咁同佢有咩關係呀？」
魔鏡：「佢咪就係二月份嘅白雪公主囉！」
小棠：「點解呀？」
魔鏡：「因為二月份係Feb，梗要搵個叫『F』字開頭嘅人啦！」
小棠：「咁我都可以好似樹蓁姨姨話齋，改名叫『Fatice』架！」
魔鏡：「人地叫Fontaine，仲嫁埋比肥叉『Fat-twice』，咁多『F』，點講都羸面大D啦！」
小棠：「咁都得？」
魔鏡：「係呀！加上你個Fontaine姨姨身處冰天雪地的英國，換言之就是『F』『at』『ice』，所以佢先至係如假包換嘅『Fatice』。」
小棠：「果然言之有理，令我呢個冒牌貨輸得心服口服。」

一月雪

小棠：「魔鏡，魔鏡，呢個世界上邊個係最靚？」
魔鏡：「你在鏡中看到邊個出現，咁嗰個就係最靚嘞！」
小棠：「我見到自己和白雪公主一齊出現喎！」
魔鏡：「乜你唔知你係一月份嘅白雪公主咩？」
小棠：「我係一月份嘅白雪公主？」
魔鏡：「係呀！你爸爸媽媽幫你起嘅英文名叫『Janice』，即是『Jan』『ice』一月雪的意思囉！」
小棠：「咁下個月我係咪要改名為『Febice』呀？」
魔鏡：「你過兩日再來照一照，到時我再話你知。」

後記：在今年一月，中國大陸多處都受着大風雪吹襲，令無數人民生活大受影響，唔知呢場世紀「一月雪」幾時會停呢？