一月雪

小棠：「魔鏡，魔鏡，呢個世界上邊個係最靚？」
魔鏡：「你在鏡中看到邊個出現，咁嗰個就係最靚嘞！」
小棠：「我見到自己和白雪公主一齊出現喎！」
魔鏡：「乜你唔知你係一月份嘅白雪公主咩？」
小棠：「我係一月份嘅白雪公主？」
魔鏡：「係呀！你爸爸媽媽幫你起嘅英文名叫『Janice』，即是『Jan』『ice』一月雪的意思囉！」
小棠：「咁下個月我係咪要改名為『Febice』呀？」
魔鏡：「你過兩日再來照一照，到時我再話你知。」

後記：在今年一月，中國大陸多處都受着大風雪吹襲，令無數人民生活大受影響，唔知呢場世紀「一月雪」幾時會停呢？