白龍水炮

見到楠楠姐姐在葛量洪號滅火輪拿着消防喉咁威風，等我也在「白龍水炮」旁影返幾張先，不過大家又知不知「白龍水炮」是出自何處呢？唔知唔緊要，等我話過你知。

據「鹿鼎記」所載，當日康熙皇帝官封韋小寶為「撫遠大將軍」，率領清兵攻打羅剎國的雅克薩城。由於該城位處極北苦寒之地，一至秋深，便已冷得非同小可，到得冬季，更是滴水成冰，所以當清兵久攻不下之際，惟有南退避寒。而當羅剎兵見清兵撤退，城中歡呼之聲大作，千餘名羅剎士兵站在城頭，向下射尿，令韋爵爺大怒，下令眾清兵一齊向著城頭小便還擊，場面相當壯觀，及後韋爵爺更靈機一動，想出用水龍 (即救火之具，後更命名為「白龍水炮」) 向城中射水，結果導致「水漫雅克薩，冰凍鹿鼎山」，令羅剎兵亂作一團，卒之開城投降。

這幾天香港的天氣轉凍，各位Fans不妨試下用花灑沖個凍水涼，一嘗這「白龍水炮」的威力，感受一下做羅剎「雪條」的滋味。