九齒神丐

前幾回提到我要做武狀元，既然蘇燦當年都要淪落到做叫化子，咁我惟有都一樣投身丐幫，以效古人之風，說不定有機會比我做到個丐幫幫主呢！

在金庸武俠小說世界裏，歷任丐幫幫主均各具特式，若論氣度豪邁，可數有燕人之風的喬峰；若論聰明機變，小黃蓉則堪稱一絕；不過在我心目中，最欽佩的丐幫幫主卻是貪吃饞嘴的「九指神丐」洪七公，雖然他生性貪吃，亦曾因貪吃誤事而自斷右手食指，然而，七公他生性詼諧有趣，加上正氣澟然，即使在武功全失期間，亦殊不可侮，令老毒物歐陽鋒也不敢再下毒手。另外在華山之巔，七公教訓鐵掌幫幫主裘千仞那番說話，同樣大義凜然，讓對方聽了之後也不禁氣為之奪，真教小棠心折。

所以，我小棠一入丐幫，便以七公為榜樣，務求做到幫中的第一人，只不過要我斷去一指，就比較有點為難。幸好，外婆前天發現我又開始出牙仔，連同先前已出的八隻牙齒，現在的我總共擁有九隻牙齒，可暫時做住九「齒」神丐先。為了一試這九齒的功力，我昨天早上還特意揀了爸爸的肩頭作練功靶子，一試之下果然威力非凡，留下的齒印到現今還未曾消退，睇黎都要問小師妹借塊印有公仔圖案的藍色膠布給他貼傷口了。