棠依‧棠衣

自從上月開始，媽媽手裏便時常拿着織針，不停地織呀織，有時甚至連坐車子時我依偎着她，她也不放過這編織的機會。究竟媽媽咁趕忙是為乜呢？啊！原來是要替我織冷衫。起初她買了四團毛冷，打算為我織一件長袖冷衫，豈料織到接近埋尾方發覺唔夠冷，再到店舖話想補冷，點知又全部賣清，一D存貨都冇剩，為了唔想我到夏天都試唔到這制成品，攪到媽媽要即時拆冷，改為轉織背心。

終於，這件「棠衣」在數天前順利完成。而昨晚開始有點翻風，不如就等我學吓「老頑童」周伯通咁樣，大搖大擺穿上桃花島黃老邪的「軟猬甲」，到江湖上去炫耀一番先至得。