脫韁野馬在宜家

大家咪以為我在「忙裡偷閒一支奶」之後便可以真正休息，其實那天我只係「係咁意」抖咗一柱香的時間，便要繼續執行第四撃的神秘任務，就是看下有咩床仔，可以適合放在我家的書房內，並用作替換現時我用緊嘅BB床。

對於唔駛出錢嘅我來說，床仔梗係越大越好啦！所以我一見到這張雙人床，即時運起「銀鞍照白馬」的十成功力，變成一隻脫韁野馬(不過鞋仔就快得滞無脫到，正所謂「脫韁唔脫蹄，跑得更加放」)，飛撲上床試個飽。在此我奉勸一下那些想執平貨買陳列品的朋友們，收貨後切記要來「大清洗」，否則真是「一張床仔千人枕」。

講返買床仔，雖然我好「恨」有張咁大的床仔可以比一個人完全獨霸，但爸爸媽媽就絲毫不為所動。梗係啦，因為我呢個精打細算的媽媽，又點會咁輕易「落搭」吖！至於我爸爸，話個秘密比大家知，原來佢不嬲都認為只要買張碌架床，媽媽和我睡下格，他自已瞓上格就攪掂，不用將他的書房騰出來。不過他這個想法，晨咁早就已經比媽媽Ban咗，仲話講出街都會比人笑到面黃添......

不過就算比人笑到面黃，相信我那個後知後覺嘅爸爸，都未必會察覺得倒。