追擊赤色十日

以前好似有套西片叫「追擊赤色十月」，描述前蘇聯核潛艇和美國中情局的故事。到了今天，我亦上演一幕「追擊赤色十日」，然而故事內容並非描述我先前提及的「魯賓遜漂流號」，而係講述我出水痘，攪到全身滿是紅點，仲預計要出成起碼十日咁耐(一般發病期的日數)，真係你話唔叫「追擊赤色十日」仲叫咩野好呢？

由於我在這套片的造型太過嚇人，經影視處的主事人媽媽裁定後，此片已列為X級 (勁過D咩三級呀、又或四級呀)，並嚴禁製片人爸爸將相片上載、或以任何形式發佈，因此大家只能見字不見人。

其實，爸爸也期望這套「追擊赤色十日」票房唔收得，可以盡快落畫，等我可以回復本來面目，另接拍一些有質素的戲。