龍爪高手

究竟傳授我「龍爪手」的高人是誰呢？相信答案已呼之欲出。無錯！謎底就是淑嫺姨姨，恐怕連她本人也意想不到吧！

話說兩個星期多前，當我們飲茶的時候，小妹無意將一些紙屑放入口中，還未弄清楚味道，坐在身旁的淑嫺姨姨已二話不說，使出她的看家本領 - 「龍爪手」，輕易地將紙屑取出來。我眼見此三十六路「龍爪手」如斯厲害，暗中將箇中的騰挪變化一古腦兒記入心中，卒之無師自通，讓我練成此絕藝。

唔知下次又可將哪位高人的絕招轉為己用呢？不過聽爸爸說，未得別人同意而偷學對方武學，好似係犯咗武林大忌嚟嗰喎！咦！我今次未唔覺意闖咗個大禍？咁點算好呢？