鬼夜哭

不知各位前輩，還記不記得廿多年前，無線電視有齣劇集叫「武林聖火令」，大家唔記得唔緊要，又或者扮細話唔知道都無所謂，我爸爸只不過想是要告訴大家，我呢排好練唔練，竟然去學當年幽冥鬼叟(由盧海鵬飾演)嘅獨門武功 - 「鬼夜哭」。在過去一星期，我每朝凌晨3:00左右，就會失驚無神、不知何故地大哭起來，將爸爸媽媽從睡夢中吵醒。不論他們怎樣抱我、呵我，我總是哭聲不絕，太約擾攘15分鐘，我才慢慢地收起這門神功。不過，相隔一小時，我又再次鬼哭神號，重覆擾攘一輪才肯入睡，當大家以為有覺好瞓的時候，我又在一個小時後再哭過，如此斷斷續續攪到早上7:00才真正回復正常，令到爸媽和菲姐姐非常頭痛。

今晚，爸爸在街上遇到一位弟兄，告知他這件事，他說我可能患有「BB驚恐症」，而此症病因不明，亦沒醫治良方，因此不論怎抱怎呵都沒用，惟有等這狀況持續數月，我才會自然地康復。若然係咁嘅話，爸媽都有排無覺好瞓喇‧‧‧相信他們的「金剛禪定」修為亦會在這數月內突飛猛進。