飲奶飲勝

前天學蓋被，今天學乜好呢？唔！不如就學揸著奶樽飲奶，免得爸爸媽媽咁辛苦。來！大家飲勝！

講開奶樽，今天有新聞報導關於我用開的牌子，經美國環保組織化驗後，發現內含可致癌物BPA。研究報告指，老鼠實驗顯示BPA可令人肥胖、過度活躍等(話時話，我都好似有齊唒呢D特徵)。消息一傳出，即時令到祖母大為緊張，立即四圍打聽其他牌子的玻璃奶樽在那兒發售，因為一直以來，她都認為玻璃奶樽是好過塑膠奶樽。最後探知在吉之島有售，便不停地致電爸爸媽媽，下旨催促他們即時去買來取代現用的膠奶樽。

其實，家下樣樣東西，驗完後都緊係會發現有D問題，只要一扯到健康，個個都好似變成驚弓之鳥，過度反應。(雖然古語有云：「養兒一百歲，長憂九十九」。但當中有多少是D大人在自尋煩惱呢？﹞玻璃奶樽在祖母眼中看來沒此問題，可能只是在我爸爸媽媽做BB的那個年代，沒有相關測試，因此就沒有發現，沒發現就自自然然無報導啦。