迷死人不賠命

阿女真是冧死人唔駛本，今次給她冧暈嘅係佢阿媽。

話說老婆大人將於明年一月去越南公幹，要申請Visa，當然要有證件相才可申請啦！為了唔想無啦啦花幾十蚊去影相舖影，我於是從舊日相片揀了一兩張，利用電腦軟件給她制作證件相，然後連同其他小棠的生活照拿去相片舖沖曬。

好了，相片曬出來，這小棠當然八八卦卦，第一時間會拿來看。而她看完老婆的證件相後，就是很自然地說了句：「乜媽媽原來你以前咁靚架！」攪到佢阿媽不知幾咁高興。雖然老婆在面對小棠時沒顯露任何得意之情，但一背向她而面向我時就即刻忍不住笑到見牙唔見眼，你都咪話阿女D冧功唔勁呀！就算那位在古龍《絕化雙驕》裏號稱「迷死人不賠命」的蕭咪咪，聽了阿女這句純出內心的冧話，恐怕也要將名號拱手相讓。