嘟咀

開講有話：「男兒口大食四方，女子口大食窮郎」。各位見我咁肥胖，一定以為我好大食，為了一改我的形象，我決定係咁意整細D個咀，免得嚇壞一眾狂蜂浪蝶。

其實，我識「嘟咀」已有一段時間，但係次次爸爸都捕捉不到，今天中午回家途中，在樓下OK便利店門前被他察覺我開始有「嘟咀」的情況，便第一時間取出數碼相機替我拍攝，行動之迅捷，直可媲美G4特工拔槍的速度，我為了不想掃他的興，都係咁意「嘟」耐少少給他拍個夠。當他影完後，背後傳出一把熟悉的聲音：「又同你個女係條街度狂影相，等Post上Blog呀？」他轉身一看，原來是剛收完工、跟着去趕實習的Wendy姨姨，聽講今晚她仲好似要去屯門飲添，真係貫徹她「神奇媽媽」的本色呀！